Toyota Corolla веќе по којзнае кој пат се наоѓа на врвот на листата на најпродавани модели во светот – во првата половина на 2016 јапонскиот компактен седан се продаде во 643.298 примероци и покрај падот на продажбата од 1,2%. VW Golf пак имаше пад на продажбата од 1,8% и постигна бројка од 500.630 продадени примероци.

На трето место е интересно најпродаваниот пикап во САД Ford F Series, чија продажба порасна за 12,6% на 478.394 примероци, веројатно поради падот на цената на горивата – пикапите се големи потрошувачи на гориво. Ford со Focus го зазема и четвртото место, но со голем пад на продажбата од 16,4% и 367.479 продадени примероци.

Резултатите се инаку собрани од Focus2Move и се однесуваат на 140 светски пазари. Вкупно во првата половина се продадени 45,8 милиони автомобили.

Еве ја и целосната листа на 10-те најпродавани автомобили во светот за првата половина на 2016 година:

1.    Toyota Corolla - 643.298
2.    Volkswagen Golf - 500.630
3.    Ford F-Series - 478.394
4.    Ford Focus - 367.479
5.    Hyundai Elantra - 363.490
6.    Volkswagen Polo - 358.602
7.    Toyota RAV4 - 346.791
8.    Toyota Camry - 339.611
9.    Honda CR-V - 333.597
10.  Chevrolet Silverado - 307.845