V90 е всушност караван верзија на неодамна претставениот S90, што значи дека ентериерот ќе биде ист како кај седанот. V90 лежи на новата “Scalable Product Architecture” платформа, која се користи во S90 и XC90.

Моторизацијата ќе биде застапена со истите агрегати како и XC90 – во превод, сите мотори ќе имаат четири цилиндри и турбо полначи, додека хибридната T8 верзија ќе има 410 КС, благодарение на електричниот мотор и 2.0 бензинецот со турбина и компресор.

Новиот Volvo V90 ќе биде 4,95 метри долг и ќе има огромно меѓуоскино растојание од 2,92 метри, што значи дека може да се очекува во кабината и во багажникот да има многу простор.

Повеќе информации за V90 ќе има на официјалното претставување на саемот во Женева на почетокот од Март.