дома home avtomobili kola koli половни avtomobil kola koli тестови avtomobil kola koli новости avtomobil kola koli магазин avtomobil kola koli совети avtomobil kola koli видеа avtomobil kola koli фотографии avtomobil kola koli мотоспорт avtomobil kola koli форум avtomobil kola koli
  ПРОНАЈДИ НОВ АВТОМОБИЛ         НАЈНОВИ МОДЕЛИ         НАЈПОПУЛАРНИ        ТЕСТ        ПРЕМИЕРА        ВОЗЕВМЕ        СПОРЕДБИ        САЕМИ        ИДНИ МОДЕЛИ
Насловна > Нови автомобили > Toyota > Toyota Camry - 2019 > Краток опис за моделот
Toyota Camry - 2019 Toyota Camry - 2019
Spodeli
Опис на моделот
НОВОСТИ
ТЕСТ
КРАТОК ОПИС
 
Нов Автомобил / Инфо
ЦЕНИ И ОПРЕМА
ОПРЕМА (*.pdf)
 
Мултимедиjа
ФОТОГРАФИИ
ВИДЕО
 
Половен автомобил
ПОЛОВНИ
 
Ваше мислење
КОМЕНТАРИ

Информации за автомобилот
од 30190
веќе од 503 € месечно
преку NLB Лизинг, на 6 години
 
Детална табела со цени
ВКУПНА
ОЦЕНКА
0
Изглед
0
Перформанси
0
Возна динамика
0
Зад управувачот
0
Удобност
0
Простор и практичност
0
Квалитет и доверливост
0
Цена/Опрема
0
Трошоци за користење
0
Безбедност и сигурност
0
 
Спореди со оценки на друг автомобил

Кој Toyota Camry модел го препорачува Koli.com.mk?

Camry во Европа се нуди само со еден погон – 2,5-литарски хибриден со 218 КС. Во поглед на опремата, основниот модел Comfort има скоро се што би можеле да посакате во еден седан од средната класа, но ние сепак би „скокнале“ на Elegance кој нуди кожен ентериер, електрично придвижувани предни седишта, 18-инчни тркала, LED предни светла, 8-инчен дисплеј на допир во ентериерот, систем за навигација и безжичен полнач за телефон.


 

Севкупен рејтинг 7,6

Новиот Camry го заменува Avensis во Европа, модел кој иако беше успешен кај нас, не помина најдобро кај купувачите на запад. Базиран на модерна платформа и достапен само со хибриден погон, Camry внесува нова свежина во гамата на Toyota.

Севкупно, Camry ги задоволува потребите на скоро секој купувач на седан од средната класа. Има моќен погон кој не троши премногу гориво, пространа внатрешност и супер удобно возење.

Благодарение на модерната платформа, Camry вози многу подобро во кривините, но недоволно директното управување го откажува возачот од агресивно возење. Сепак, ова е автомобил во кој сигурно би сакале да патувате.

Најголем недостаток кај нас се чини е што има само еден модел. Хибридниот погон е одличен и навистина вреди за парите, но купувачите во средната класа најчесто не се спремни да платат толку многу за перформансите кои ги нуди.

Возење 7,5

Toyota Camry е прилично брз автомобил кој секогаш спремно потегнува напред. Динамиката е подобрена во однос на Avensis, но расипана од претерано лесниот управувач. 

Забрзување 7,5

Хибридниот погон кој се вградува во новиот Camry е од најновата генерација и со него носи низа подобрувања. Исклучително брзо одговара на педалата за гас – во град скоро никој нема да е побрз од Вас, а не престанува да тегне ниту над 100 km/h. Забрзувањето до стотка трае само 8,3 секунди, што е одличен резултат за хибриден модел.

Потрошувачка 8,5

Покрај моќта, хибридниот погон може да се пофали и со многу ниска потрошувачка – во град може без проблем да симнете на околу 7 литри на 100 km, што е за поздрав. Интересно, потрошувачката расте на повисоки брзини, над 150 km/h.

Кочење 7,5

Иако Camry лесно се контролира при кочење, поради меката амортизација предниот дел малку повеќе понира од вообичаеното. 

Управување 5,0

Инженерите на Toyota очигледно го нагодиле управувањето за луѓе кои не се заинтересирани за возење. Воланот врти премногу лесно, дури и на повисоки брзини, што го расипува впечатокот при побрзи маневри. Од друга страна, ова можеби ќе им се допадне на оние кои сакаат лежерно возење.

Динамичност 7,5

Camry е светлосни години подобар од Avensis во поглед на динамичноста. Благодарение на ниското тежиште, јапонскиот седан е спремен на брзи промени на правецот, но меката суспензија не охрабрува претерано брзи влегувања во свиоците. 

Возливост 9,0

Како и секој хибрид на Toyota, Camry доаѓа со автоматски e-CVT менувач кој константно ги менува степените на пренос. Ова звучи комплицирано на хартија, но во реалноста го прави секојдневното возење многу полесно. Севкупно гледано, ова е веројатно најлесниот автомобил за секојдневно возење во неговата класа.

Комфор 8,63

Супериорно тивок, рафиниран и удобен, новиот Camry поставува нови стандарди за комфор во средната класа.

Седишта 8,5

Настрана премиум производителите, Toyota прави веројатно најкомфорни седишта од сите компании. Тие во Camry се особено удобни за подолги патувања – пружаат одлична поддршка за целото тело. Сепак, за да извадите максимум од нив, треба да доплатите за моделот Executive кој има електрично-прилагодлива лумбарна поддршка.

Удобност 9,0

Целта на Toyota со Camry дефинитивно била да направат супериорно удобен автомобил. И покрај големиот напредок во поглед на динамиката, суспензијата се чини како уште помека од онаа во Avensis. Camry успешно ги впива ситните нерамнини и големите дупки, нешто во кое не успеваат поголемиот број на модели во класата.

Бучава и Вибрации 8,5

Хибридниот погон го карактеризира исклучително рафинирана работа. За разлика од ударите и вибрациите при тргнување кои би ги искусиле кај стандардните мотори, овде сѐ е супер мазно при тргнување. Воедно, Camry е супер тивок и на повисоки брзини и не пренесува премногу вибрации од подлогата.

Клима уред 8,5

Клима уредот во Toyota Camry е доволно моќен за да ве одржи ладни во текот на најжешките летни денови. Предност кај него е и тоа што работи кога бензинскиот мотор е изгасен, што прави дополнителна заштеда во потрошувачката. Исто така, Toyota има вградено јонизатор, што е особено позитивно изненадување.

Внатрешност 7,6

Ентериерот на Camry е многу поквалитетен од тој на Avensis и сега е еден од најдобрите во својот сегмент. Воедно, возачката позиција е подобрена, додека командите на централната конзола се секогаш на дофат на раката. Во поглед на просторот, Camry е на самиот врв од класата.

Команди 8,0

Toyota е и натаму конзервативна во поглед на поставеноста на командите, што за поголемиот број на возачи може да е добар потег. Оние за климата се лесно читливи и достапни, додека дисплејот на допир има корисни кратенки. Севкупно, исклучително лесен ентериер за користење.

Влегување/Излегување 7,0

Camry ги има едни од најголемите врати во ширина што го олеснува влегувањето и излегувањето. Сепак, пониската каросерија значи дека повозрасните патници ќе треба малку повеќе да се наведнат, што би можело да биде ограничување.

Возачка позиција 7,0

Автомобилите на Toyota никогаш немале особено спортска возачка позиција и иако Camry не е исклучок, тука работите се многу подобри отколку кај Avensis. Воедно, добра позиција можат да најдат и многу ниските и високите возачи – седиштето и воланот се местат во сите правци.

Простор 9,0

Јапонскиот седан е еден од најголемите автомобили во својот сегмент што за среќа се пренесува и во ентериерот. Простор има многу и на предните и на задните седишта, особено за колената и рамената. Сепак, понискиот „купе“ кров одзема малку простор за главата, но така е кај повеќето конкуренти во сегментот. Од друга страна, потпирачите на задните седишта се навалуваат за повисоко ниво на комфор – ова не го нуди ниту еден друг модел во сегментот.

Прегледност 7,5

Карактеристично за седан, Camry нуди солидна прегледност при паркирање и напред и назад. Сепак, пониската поставеност зад воланот значи дека нема да можете да видите далеку напред како со SUV автомобил.

Квалитет 7,0

Додека Avensis беше на дното на класата кога е во прашање квалитетот на ентериерот, Camry е еден од најдобрите модели. Да, и натаму има поевтина пластика, но таа сега е сместена во долниот дел на кабината. Горниот дел и онаму каде допираат патниците е со добар квалитет и изработка.

Функционалност 7,66

Внатрешноста нуди многу места за одлагање ситници, додека задните седишта се стандардно опремени со ISOFIX места за детско седиште.

Простор за мали предмети 8,0

Кабината на Camry буквално изобилува со места за одлагање на ситници. Централната конзола има неколку со солидна големина, страничните во вратите се прилично големи, а истото важи и за фиоката пред совозачот. 

Багажник 7,0

Со капацитет од 524 литри, багажникот на Camry не може да конкурира на најдобрите во средната класа. Сепак, тој се чини како повеќе од доволен за една четиричлена фамилија. Она што повеќе нервира е што со спуштањето на задните седишта не се добива целосно рамен под, а и отворот меѓу багажникот и седиштата е мал.

Детско седиште 8,0

ISOFIX точките на Camry се покриени со пластични капачиња кои кога ќе се извадат треба да ги сместите некаде. Ова е рецепт за губење на сите капачиња по само неколку месеци користење. Настрана капачињата, ISOFIX точките се видливи и лесно достапни, за разлика од некои други модели во класата.

Технологија 6,66

Camry доаѓа стандардно опремен со сите активни системи за безбедноста моментално достапни во светот на автомобилизмот, но мултимедијалниот систем заостанува зад најдобрите во сегментот.

Аудио и Навигација 7,0

Во недостаток на Apple CarPlay и Android Auto, системот за навигација (со доплата) во Camry врши само солидна работа, пред се поради бавниот интерфејс. Од друга страна, JBL аудио системот во поскапите модели вади прилично солиден звук.

Интеграција со смартфон 3,0

Toyota и натаму одбива да вгради Apple CarPlay и Android Auto во своите модели, што во 2019 година е едноставно неприфатливо. Мултимедијалниот систем поддржува MirrorLink, но овој стандард е веќе застарен и прилично бавен (плус дисплејот на телефонот мора да е константно вклучен). Воедно, самиот мултимедијален систем делува како од пред 10 години – дисплејот има послаба резолуција, движењето на иконите не е мазно и целосно гледано, работите се одвиваат бавно. Барем е лесен за користење благодарение на кратенките отстрана. 

Системи за помош при возење 10,0

Стандардниот TSS или Toyota Safety Sense вклучува Pre-Collision System (систем за препознавање на пешаци и велосипедисти), Lane depart assistant (систем за следење на патна лента со корекција на волан), Automatic high beam (автоматско прилагодување на долги светла), Road sign assist (систем за препознавање на сообраќајни знаци) и ACC прилагодлив темпомат со автоматско сопирање. Многу конкуренти ги немаат овие системи во стандардната опрема.

 

НИВОА НА ОПРЕМА

 

1-во ниво | COMFORT

  • (ABS) систем за спречување на блокада на сопирачки, електронска распределба на силата на сопирање (EBD) и зајакнување на сопирањето (BA)
  • Vehicle Stability Contro(VSC+) систем за стабилност при управување & Hill-assist contro
  • Воздушни перничиња за возач и совозач напред со двостепена активација (можност за деактивација кај совозач)
  • Странични воздушни перничиња за заштита на граден кош напред
  • Воздушно перниче за колената на возачот
  • Воздушни завеси за заштита на глава од страничен судар напред/назад
  • Активни потпирачи за глава на предните седишта
  • (WIL) заштита од удар од назад на потпирачите за глава напред
  • (TPWS) надзор на притисок во пневматици
  • TOYOTA SAFETY SENSE 2 систем за активна безбедност:
    •  Pre-Collision System, систем за препознавање на пешаци и велосипедисти
    •  Lane depart assistant, систем за следење на патна лента со корекција на волан
    •  Automatic high beam, автоматско прилагодување на долги светла
    •  Road sign assist, систем за препознавање на сообраќајни знаци
    •  ACC адаптивен радарски темпомат со автоматско сопирање
  • Smart Entry and Start систем за отклучување и стартување на возилото
  • Двозонски автоматски клима уред со ECO функција
  • Радио-CD со 6 звучници и MP3 читач со 7" мултифункционален дисплеј
  • Bluetooth® поврзување на мобилни телефони за Handsfree разговор
  • USB приклучок во централната конзола
  • Сензор за светло со автоматско вклучување на светла
  • Автоматско регулирање на фаровите по висина
  • Задна камера за возење наназад со линии за наведување при паркирање
  • Избор меѓу три режими на управување - Normal, Sport, Eco
  • Електрично прилагодување на позицијата на возачкото седиште
  • Мулти-информациски дисплеј во централната конзола со информации за час, надворешна температура, потрошувачка на гориво, автономија, просечна брзина и т.н.
  • Далечинско централно заклучување
  • Стартување на моторот преку копче
  • Kуќишта на надворешните елект.ретровизори во боја на каросеријата со грејачи
  • Ел. подигнувачи на страничните стакла со автоматско кревање и спуштање
  • Контроли за темпомат и аудио систем на воланот
  • Регулирање по височина и длабочина (телескопски)на волан
  • Предупредување за нивото на течноста за бришачи
  • Грејачи на задното стакло
  • Isofix систем за фиксирање на детски седишта (на крајните задни седишта)
  • Сензор за дожд за автоматска активација на бришачите
  • Електрична рачна сопирачка
  • Деллив потпирач за грб на задна клупа 60/40 (освен кај пакетот Luxury)
  • Кожен трокрак волан
  • Волан сo електрично прогресивно серво
  • Предни и задни паркинг сензори
  • LED дневни светлa
  • LED средни светла
  • Прскалки на предни фарови
  • Надворешни рачки на вратите во боја на каросерија
  • Задни LED светла
  • Бандаши од лесна легура 17" со пневматици 215/55R17

 

2-ро ниво | EXECUTIVE
Содржи се што има COMFORT, плус:

  • Кожен ентериер
  • Ел. управување на возачкото и совозачкото седиште
  • Електрична лумбална поддршка на возачко и совозачко седиште
  • Грејачи на предните седишта
  • Кожен тапацир на вратите /синтетичка кожа/

 

3-то ниво | ELEGANCE
Содржи се што има EXECUTIVE, плус:

  • Електрично прилагодување на воланот по длабочина и височина
  • Активен систем за следење и предупредување при напуштање на коловозна лента
  • Ел. преклопување на надворешни ретровизори со интегриран Blind Spot Monitor BSM
  • 8" мултифункционален централен дисплеј
  • Навигацски уред со мапи за Европа
  • Електрохроматски внатрешен ретровизор
  • Безжичен полнач за мобилен телефон /само за модели, кои ја поддржуваат функцијата QI/
  • LED кратки и долги светла
  • Бандаши од лесна легура 18" со пневматици 235/45R18
  • LED предни светла за магла

 

4-то ниво | Luxury
Содржи се што има ELEGANCE, плус:

  • 3-зонски автоматски клима уред со засебна команда
  • Аудио систем JBсо 9 звучници
  • Head-up дисплеј со инфо приказ на предно стакло
  • Електрично управуван агол на задни седишта (не може да се преклопат)
  • Ел. ролетна на задното стакло
  • Ролетни на задните странични прозорци со рачно прилагодување
ПРЕДНОСТИ
НЕДОСТАТОЦИ


Спореди со предности и недостатоци на друг модел.


 

Учествувајте во изборот на автомобил на годината

ДАЛИ ВИ СЕ ДОПАДНА ?

Досега гласале посетители.




Споделете го вашето мислење или видете што другите мислат за Toyota Camry - 2019  

Kolata e tehnicki i se drugo odlicna i gi ispolnuva site denesni moderni i tehnicki potrebi za uspesno sigurno i bezbedno vozenje. Bravo bravo izvrsno moderno udobno i sigurno vozilo
Напишан од Trajce Micev  пред  околу 16 месеци
   
КОМЕНТАРИ - СТРАНА  1 од 1
 

Вашето име


Коментар



Нашата редакција остро се противи на верски, расистички и национални коментари. Сите непристојни коментари ќе бидат отстранети.


 
Најпопуларни во класата
 
Renault Talisman
 
Renault Talisman
25000 - 45600
Škoda Superb
 
Škoda Superb
22600 - 38380
Peugeot 508
 
Peugeot 508
22280 - 38970
 
Најпопуларни автомобили
 
 
Семејни седани
 
Citroën C518900 €
Ford Mondeo23100 €
Hyundai i4024800 €
KIA Optima24550 €
Mazda 630980 €
Peugeot 50822280 €
Renault Talisman25000 €
Škoda Superb22600 €
Volkswagen Passat29408 €
 
Може да ве интересираат и следните класи на автомобили
 
СРЕДНА КЛАСА       ПРЕМИУМ - СРЕДНА КЛАСА       СРЕДНО - ВИСОКА КЛАСА       ВИСОКА КЛАСА       
 

Одберете друг автомобил
     

Toyota

www.toyota.com.mk

Импортер за Македонија
Тојота Авто Центар

Тел: 02 / 3088 - 800

Адр: ул. Скупи бб

Работно време:  08:00 - 18:00 (сервис до 16:00)
сабота:  10:00 - 14:00


Матични фотографии за моделот


 
Заради поголема доверливост при барање на Тест возење, ве молиме пополнете ги следните полиња:
   
Име и презиме  
Возраст

 
Град  
Контакт телефон  
Моментално возам

 
 
 


Други Toyota модели
Auris Aygo
Camry - 2019 C-HR
C-HR - Hybrid Corolla Hatchback - 2019
Corolla Hatchback Hybrid - 2019 Corolla Sedan - 2019
Corolla Sedan Hybrid - 2019 Corolla Touring Hybrid- 2019
Corolla Touring Sports - 2019 Hilux - 2016
Land Cruiser - 2018 Prius Hybrid
Proace RAV4 - 2019
RAV4 Hybrid - 2019 Yaris
Yaris Hybrid





Одберете друг автомобил
 
 

koli.com.mk на Facebook