Почетна страница Контакти Маркетинг Инфо
дома home avtomobili kola koli нови автомобили avtomobil kola koli половни avtomobil kola koli тестови avtomobil kola koli видеа avtomobil kola koli фотографии avtomobil kola koli форум avtomobil kola koli
  ПРОНАЈДИ НОВ АВТОМОБИЛ        НАЈНОВИ МОДЕЛИ        НАЈПОПУЛАРНИ       ТЕСТ       ПРЕМИЕРА        ВОЗЕВМЕ       СПОРЕДБИ       САЕМИ        ИДНИ МОДЕЛИ
Насловна > Новости > Тест > Големиот народен автомобил
 
Spodeli
25 јануари 2010, 12:34


Големиот народен автомобил Fiat Linea - old Големиот народен автомобил
Европа никогаш не ги сакала, но затоа источните пазари лудуваат по седан возилата со ниска цена. А кога таков автомобил доаѓа од етаблиран производител, и освен добрата цена нуди и многу простор, опрема и удобност, тогаш е постигнат полн погодок....
fotografii фотографии Види фотографии komentari коментари Напиши коментар

Linea е автомобилот со кој италијанскиот производител влегува во во сегментот на лимузините од ниската класа. Дали е вистинската лимузина за македонскиот фамилијарен човек, ќе се обидеме да откриеме во тест возењето на Linea со основниот бензинец 1,4 со 77 КС.
 
Каков е однадвор
 
Иако базирана на Grande Punto, Linea не изгледа како него. За ова голема заслуга има внимателниот избор на линиите, но и долгото меѓуоскино растојание, кое прави автомобилот да изгледа како вистинска лимузина, со карактеристична динамична линија, по целата должина на автомобилот.
 
 
Посебно е забележителен предниот дел, со големи фарови и голем отвор за воздух. Неговата доминација е надополнета со елегантната странична линија и интересниот заден дел со нетипична светлосна група. Финалниот резултат е елегантен седан автомобил со совршени пропорции и италијанска грациозност. 
 
Каков е внатре
 
Grande Punto со многу повеќе простор и напред и позади – така најдобро може да се опише ентериерот на Linea.
 
Простор
 
Благодарение на меѓуоскиното растојание од 2.603 mm, простор и на предната и на задната клупа има на претек. Седиштата се дизајнирани со главен критериум – комфор, и се одлични за подолги патувања, па финалната оценка за просторот во внатрешноста е највисока.
 
Целосно задоволува и багажникот – 500 литри се доволни за сите куфери на четиричлено семејство за двонеделен одмор. Единствен недостаток на сите седан автомобили е малата врата на багажникот, заради што е отежнато товарањето на поголеми предмети. Инаку, со спуштањето на задната клупа се добиваат високи 870 литри корисен простор.
 
 
Ергономија
 
Едноставниот дизајн на предната табла придонесува за одлична ергономија. Интересно е што менувачот е повисоко поставен и секогаш е на дофат на раката, а благо закосената средна конзола ги прави командите полесни за читање, што го олеснува нивното користење. Инструмент таблата ги вклучува сите потребни информации и е лесно читлива, благодарение на големите инструменти.
 
Материјали/Завршна обработка
 
За цената според која се продава, не може да се замери на тврдата и малку неугледна пластика во внатрешноста на Linea.
 
На пат
 
Меко подесената суспензија не дозволува некоја посебна забава при возењето ниту пак подинамично возење со Linea. Oсновниот бензинец е наменет за штедливо возење и не воодушевува со перформансите.
 
Удобност
 
При конструирањето на Linea, италијанските инженери ги имале источните пазари на ум, а тоа значи нерамни патишта со многу дупки. Затоа, на својот семеен седан тие му подарија француски меко подвозје, кое добро ги впива сите нерамнини на нашите патишта и не пренесува премногу потреси или вибрации во внатрешноста. Затоа е и одличното чувство кои патниците го имаат кога се возат со Linea.
 
Пофалби одат и на сметка за звучната изолација, која не пропушта звуци од гумите и ветерот, што посебно се забележува на повисоки брзини. Единствено пречи звукот од моторот, но само при повисоки вртежи, кои често и ќе бидат потребни, заради помалата сила и нискиот вртежен момент.
 
Мотор/Перформанси/Менувач
 
Најслабиот мотор во понудата на Linea не воодушевува со перформансите, но има доволно сила за да повлече на нагорнина, што е многу важно за безбедноста.
 
1,4 литарскиот бензинец со 77 КС е придушена верзија на посилниот со 100 КС. Бројките велат дека до стотка забрзува за 14,6 секунди, додека максималната брзина изнесува 165 km/h. Ова е и повеќе од доволно за секое семејство, уште повеќе ако се знае дека автомобилот најчесто ќе вози во градски услови.
 
Менувачот има добро одмерени степени на пренос, додека менувањето на брзините е мошне прецизно и лесно.
 
 
Возни својства
 
Намената на возилото кажува се – Linea нема да овозможи забава во возењето и не нуди висока возна динамика. Сепак, стабилноста е на солидно ниво дури и на поголеми брзини, па семејствата нема да треба да се грижат за својата безбедност. И кочниците се на ниво на зададената задача и овозможуваат многу краток пат на кочење.
 
Управување
 
Управувачот е многу лесен во градски услови и го олеснува паркирањето, а станува покрут на повисоки брзини и задоволува со својата прецизност.
 
Трошоци
 
Семејна лимузина, голема колку BMW Серија 3, за неверојатни 9.900 евра! Поевтино од ова и не може – Fiat го погодува македонскиот купувач директно во срцето.
 
Цена/Опрема
 
Основниот модел Active, кој во продажната акција чини 9.900 евра, доаѓа со клима уред, електрика на прозорци и централно заклучување, подготовка за радио, ABS+EBD и две воздушни перничиња (подетален преглед на опремата имате тука http://koli.com.mk/novi_cenovnik_tabela-golema.aspx?id=3637#cenovnik). 
 
Опремата не е особено богата, но затоа доплатите се многу евтини и полно опремена Linea би чинела не повеќе од 11.000 евра, што е извонредно ниска цена за толку големо возило. 
 
Конкурентите од ниската класа имаат слична цена, но многу помали димензии и се базирани исклучиво на хечбек верзиите од матичниот модел (Aveo, Thalia, 206 Sedan, Cordoba...). По димензии, Linea може да конкурира и на седаните од компактната класа, како Lancer, Cruze…
 
 
Моделот на фотографиите е 1,3 Multijet Dynamic, кој чини 13.790 евра, а од дополнителна опрема има плус автоматска клима, која чини 1.000 евра.
 
Потрошувачка
 
Помалата сила на основниот бензинец е заслужна и за пониската потрошувачка. Фабричките податоци велат дека просекот е 6,3 литри на 100 km, односно 8,2 литри во град и 5,1 на отворено. Реално, бројките од нашето тест возење покажаа дека потрошувачката во град изнесува околу 9 литри, додека на отворено може да се вози со 6 до 6-5 литри на 100 km. Просечно, на тестот потрошивме околу 8 литри гориво, што е солиден резултат за една семејна лимузина со бензински мотор, со напомена дека тест автомобилот имаше поминато помалку од 1.000 Km (фабричката и оптимална потрошувачка се постигнува некаде над 5.000 поминати километри за речиси секој нов автомобил)
 
Безбедност
 
Linea се уште не е тестирана од EuroNCAP, но ја има предницата на Grande Punto (пет ѕвездички), додека во основната опрема доаѓа со две предни воздушни перничиња и ABS+EBD. Тука е и системот за заштита од пожар, кој е стандардна опрема кај Linea.
 
За кого не е овој автомобил
 
Linea нема да го понуди премиум чувството на седани од типот на Corolla, Civic Sedan или Mazda 3 Sedan. Сепак се работи за семеен автомобил со ниска цена, со мислите насочени кон купувачите со поплиток џеб.
 
За кого е овој автомобил
 
За оние кои немаат многу буџет, а сепак им е потребен простран семеен автомобил, Linea е вистинскиот избор. Изгледа модерно, многу е пространа, има голем багажник, добро ги впива дупките на нашите патишта, а притоа и не троши многу гориво. Конкуренцијата можеби нуди слични, па дури и пониски цени, но не го нуди стилот на Linea, а многу заостанува кога во прашање се просторот и удобноста. Тука Linea е убедливо најдобра во класата.
 
Предности
Многу простор во внатрешноста
Голем багажник
Удобност
Одлична ергономија
Солидна потрошувачка
Богата опрема
Ниска цена на доплати 
Одлична цена
 
Недостатоци
Евтина пластика во внатрешноста
Просечни возни својства и перформанси
Моторот е бучен на повисоки вртежи
 

 


Fiat Linea - old
 Цени и нивоа на опрема
 Дополнителна опрема (*. Pdf)
 Краток опис
 Фотогалерија
 Видео




Стари коментари
da ama so spusteni sedista robert
Напишан од ATANASOV  пред  околу 88 месеци
fiat linea e super izbor ama za lepota ruzna e ko reno.
Напишан од petre  пред  околу 89 месеци
fiat linea e super izbor ama za lepota ruzna e ko reno.
Напишан од petre  пред  околу 89 месеци
lelelel aml bagaznik ne gledas li na slikava kolkav e 500litra abe slepec eden
Напишан од Robert  пред  околу 89 месеци
SE E UBAVO SAMO IMA MAL BAGAZNIK.SUM JA VIDEL
Напишан од ATAHACOB  пред  околу 89 месеци
   
КОМЕНТАРИ - СТРАНА  1 од 4
 



Нашата редакција остро се противи на верски, расистички и национални коментари. Сите непристојни коментари ќе бидат отстранети.

Целосна архива на текстови од Тест



 
 
 
 





Suzuki Swift


Одберете нов автомобил