Почетна страница Контакти Маркетинг Инфо
дома home avtomobili kola koli нови автомобили avtomobil kola koli половни avtomobil kola koli тестови avtomobil kola koli видеа avtomobil kola koli фотографии avtomobil kola koli форум avtomobil kola koli
  ПРОНАЈДИ НОВ АВТОМОБИЛ        НАЈНОВИ МОДЕЛИ        НАЈПОПУЛАРНИ       ТЕСТ       ПРЕМИЕРА        ВОЗЕВМЕ       СПОРЕДБИ       САЕМИ        ИДНИ МОДЕЛИ
Насловна > Новости > Тест > Honda CR-V 2.0 i-VTEC - Компакт со погон на четири тркалa
 
Spodeli
30 октомври 2009, 00:56


Honda CR-V 2.0 i-VTEC - Компакт со погон на четири тркалa Honda CR-V - old Honda CR-V 2.0 i-VTEC - Компакт со погон на четири тркалa
Новиот CR-V настапува во различно светло од конкуренцијата. Наместо слепото бркање на авантуристичкиот стил и добрите теренски возни својства, компактниот SUV на Honda го нуди најдоброто од сите теренци на асфалт. Проверете зошто!...
fotografii фотографии Види фотографии komentari коментари Напиши коментар

Каков е од надвор     

Јапонскиот SUV го красат пред се елегантни линии, со мала доза на робусност, која ја нагласуваат поголемите браници и калници. Вакви надворешни линии можат да легнат и на некој компакт, што во случајот на CR-V не е воопшто лоша работа.



Сепак, гледајќи ги конкурентите, не може а да не се признае дека има и поубави модели на пазарот. Citroen C-Crosser, Peugeot 4007, Ford Kuga, Toyota RAV4 и Opel Antara, изгледаат поспортски и посвежо од CR-V, нормално целејќи на помладата публика.

Каков е внатре     

Многу простор, врвна ергономија, врвна завршна обработка, добра прегледност...



Простор

Во CR-V, и на предната и на задната клупа има натпросечно многу простор. Зад управувачот може да се смести дури и возач со над два метри, а назад комфорно да седне возрасен патник. И багажникот брои 524 литри, што е и повеќе од доволно за четиричлено семејство. Да не спомнуваме и дека багаж може да се полни и над задната полица...

И функционалноста е одлична – скоро секаде има празен простор за да се оставаат ситници, а задната клупа може да се лизга напред назад и има навалувачки наслони за грб. Како во моноволумен!

Удобност

Кога е во прашање удобноста, модерните SUV се обидуваат да бидат што поблиску до моделите од средната класа. Меѓу сите нив, CR-V е најдобар. Толку добро ги впива нерамнините на патот, што ако се замижи со очите, за момент ќе помислите дека сте во Accord.

На ова се надополнува и извонредно избалансираниот мотор, кој работи без вибрации и произведува звук само кога возачот ќе го побара тоа од него, односно над 4.000 вртежи во минута. Единствен, ако може да се каже минус е звукот од ветерот при поголеми брзини, но многу конкуренти се дури и полоши во овој дел.

Ергономија

Иако не е футуристички дизјаниран како другите модели на Honda, CR-V нуди врвна ергономија, пред се благодарение на високо поставениот менувач, кој е многу блиску до воланот, кој сега може да се подесува и телескопски и вертикално. Сите команди се на дофат на рацете и нивното користење е многу интуитивно. Дури и прегледноста е добра, па и покрај поголемите димензии, возачот не би требал да има проблеми со паркирањето.

Материјали/Завршна изработка

Иако завршната обработка е на врвно ниво, на CR-V повеќе би му одговарала помека и поугледна пластика, каква што имаат повеќето од конкурентите. Од друга страна, велур материјалот кој го имаше на седиштата и на вратите од тестираниот модел, потсетува на премиум автомобил и изгледа многу скапоцено.



На пат     

Врвните возни својства на асфалт, придружени со одличното кочење и доброто потегнување од моторот, потсетуваат на компакт автомобил. Подобро од SUV и не можело да се извади!

Мотор/Перформанси/Менувач

Во овој дел Honda секогаш добивала висока оценка, а така ќе биде и сега. Современиот бензински мотор, има солидни 150 КС, извлечени од 2,0 литарска зафатнина со помош на i-VTEC технологијата, која потекнува од F1 моторите на Honda.

Резултатот е одлична еластичност и врвни перформанси кога моторот ќе се заврти над 4.000 врт/мин, што е придружено со прекрасен, спортски звук. Забрзувањето до стотка трае 10,2 секунди, додека максималната брзина изнесува 190 km/h – повеќе и од доволно за еден семејно ориентиран SUV.

На добрите перформанси се придружува и шест степениот мануелен менувач, кој има добро одмерени преносни односи.

Возни својства

Со оглед на тоа како ги пегла нерамнините на патот, очекувањата беа дека CR-V нема да се снајде во свиоците. Напротив, благодарение на интелигентниот погон на сите четири тркала, ниското тежиште и високата крутост на каросеријата, возните својства се како кај некој компактен автомобил.

Погонот, во нормални услови, заради намалена потрошувачка е само на предните тркала. Но, доколку побрзо се влезе во кривина и ако тие пролизгаат, силата се префрла и на задните, па возењето е како по шини – нема ниту подуправливост, ниту преуправливост. За ова е заслужно и малото навалување на високата каросерија.



Honda CR-V може да се пофали и со одличното кочење, кое е права реткост во оваа класа. Педалата е лесна за дозирање, а патот на кочење е краток скоро како кај автомобилите од средната класа. Како да се работи за лесен компакт, а не за тежок SUV.

Единствен недостаток кај Honda CR-V се возните својства на терен. Иако има добар влезен агол во предниот дел (браникот е закосен нагоре и е подигнат од подлогата), споредено со компактните SUV од класата, Јапонецот е еден од најмалку проодните автомобили. Погонот на сите четири тркала е доволен само за снежни услови и за лизгав коловоз. За валкање во кал и качување по камења, има други автомобили на пазарот.

Управување

И управувачот и менувачот заслужуваат највисоки оценки. Првиот е прецизен при поголеми и лесен при помали брзини, а работењето со менувачот е вистинско задоволство, впрочем како и во секоја Honda.

Трошоци     

Со актуелната цена од 24.990 евра и со несебично богатата опрема, CR-V е извонредно исплатлив автомобил. Тука се придружува и бензинецот, кој иако има 150 КС, знае и да штеди.

Цена/Опрема

Со Elegance ниво на опрема и бензинец со 150 КС, CR-V во моментов на нашиот пазар чини 24.990 евра. Со оглед на тоа и со оглед на квалитетот на возилата на Honda, CR-V е еден од најисплатливите SUV автомобили.

Опремата вклучува: АБС+ЕБД, контрола на стабилноста, двозонска автоматска клима, 6 воздушни перничиња, магленки, радио со CD+MP3, централна брава со далечинско, целосна електроника, серво управувачот подесив по височина и длабочина, темпомат, 18 инчни алуминиумски тркала, задни затемнети стакла и велур седишта. За 24.990 евра, повеќе и не смее да се побара, нели?

Потрошувачка

Фабриката вели дека бензинецот во CR-V, во просек бара по 8,1 литар гориво на 100 km. На тестот, ние потрошивме еден литар повеќе, со нормално возење. На отворено, потрошивме 7,5 литри (фабрички 6,7), додека во град потрошувачката растеше и малку над 11 литри (фабрички 10,4). За бензинец со 150 КС, вграден во толку голем автомобил, ова се одлични резултати.

Безбедност         
 
Бидејќи за влакно му имаат побегнато петте ѕвездички за возрасни, а има и одлична оценка за заштита на деца. Во сериската опрема има 6 воздушни перничиња и ABS+EBD, што е во просекот на класата.



За кого не е овој автомобил

Сите кои сакаат добри теренски возни својства или каква и да било проодност на терен, тоа нема да го добијат со CR-V. Многу од конкурентите нудат барем некаква редукција во погонот и се пооддалечени од тлото, но Јапонците не се ни труделе на направат off-road автомобил.

За кого е овој автомобил

CR-V е можеби најдобриот SUV за на асфалт. Нуди врвна удобност и врвни возни својства, како во автомобил од средната класа. Класично изведената и извонредно пространата внатрешност, алудираат само на едно – оваа Honda е пред се наменета за средовечните луѓе, кои со својата фамилија сакаат удобно, но во стил на авантуристи, да стигнат до саканата дестинација. За цената по која се нуди, овој SUV го нуди најпрефинетиот и најсмирен транспорт!


Honda CR-V - old
 Цени и нивоа на опрема
 Дополнителна опрема (*. Pdf)
 Краток опис
 Фотогалерија
 Видео




Стари коментари
ZALOSNO E DA GO KRSIS NA TEREN.ZA TEREN E SAMO LADA NIVA MOZE I OVA NE ZASLUZIL DA GO UNISTUVAS NA TEREN
Напишан од ATANASOV LJUPCO  пред  околу 87 месеци
prekrasen terenec od HONDA.SE PRAVI VO JAPONIJA
Напишан од ATANASOV  пред  околу 87 месеци
dobra e ama so mitsubishi outlander 2010 nikoj ne moze. Sega so prednata maska od lancer evo izgleda najsportski i najdobro od site mali suv vozila. a i performansite mu se sportski i ima golemi terenski sposobnosti. Mozam da go tvrdam toa zosto kupiv eden pred mesec dena za 27890 evra i toa toj so evo maskata.
Напишан од Tony  пред  околу 88 месеци
mnooogu dobra kola
Напишан од ime  пред  околу 92 месеци
   
КОМЕНТАРИ - СТРАНА  1 од 1
 



Нашата редакција остро се противи на верски, расистички и национални коментари. Сите непристојни коментари ќе бидат отстранети.

Целосна архива на текстови од Тест



 
 
 
 






Одберете нов автомобил